Një aksident ka ndodhur pasditen e sotme në aksin Fier–Berat, pranë fshatit Velmish, ku një automjet tip “Benz” i drejtuar nga Josif Shkëmbin, i cili ishte nën ndikimin e alkoolit, u përplas me një mjet bujqësor tip Zetor, drejtuar nga Ani Hazizi.
Si pasojë e përplasjes, Hazizi u plagos dhe u transportua në Qendrën Shëndetësore të Roskovecit, ku mori ndihmën e parë dhe ndodhet jashtë rrezikut për jetën.
Drejtuesi i automjetit është shoqëruar në komisariat. Policia dhe grupi hetimor janë në vendngjarje për të zbardhur shkaqet e aksidentit dhe për të rregulluar trafikun.
