Prokuroria e Stambollit ka kryer një operacion të ri në kuadër të hetimeve për skandalin e basteve në futbollin turk, duke arrestuar 29 persona, përfshirë 14 futbollistë aktivë.
Hetuesit akuzojnë sportistët për manipulim rezultatesh dhe vendosje bastesh për fitoret e skuadrave kundërshtare, të zbuluara përmes transaksioneve financiare të dyshimta.
Mes të arrestuarve është edhe Erden Timur, ish-zv/president i Galatasaray, një arrestim që konsiderohet një pikë kritike në hetime.
Skandali ka përfshirë deri tani rreth 1500 persona, me masa pezullimi që kanë ndikuar mbi 1000 futbollistë dhe 150 arbitra.
Ndërkohë, presidenti i Fenerbahçe, Sadettin Saran, u arrestua në kuadër të një hetimi të pavarur antidrogë në botën e spektaklit, pa lidhje me futbollin, dhe klubi ka shprehur besim ndaj tij.
