Gjykata e Korçës ka vendosur masën e sigurisë “arrest me burg” ndaj 67-vjeçarit Rushan Selko, i dyshuar për kryerjen e veprave penale ndaj një të miture.
Sipas hetimeve, ngjarja dyshohet se ka ndodhur gjatë verës në zonën e Pogradecit. Rasti u evidentua pasi familjarët e vajzës vunë re ndryshime fizike dhe iu drejtuan institucioneve përkatëse.
Kontrolli mjekësor konfirmoi shtatzëninë e të miturës. Pas seancës së zhvilluar me dyer të mbyllura, gjykata pranoi kërkesën e prokurorisë për burg, ndërsa hetimet për çështjen vijojnë.
