Kreu i lëvizjes “Shqipëria Bëhet”, Adriatik Lapaj, ka deklaruar se protesta e tij përpara Kryeministrisë ka kaluar nga një çështje zgjedhjesh në një detyrim për të larguar klasën politike të Edi Ramës.
Ai tha se Shqipëria është në një krizë të thellë, ku droga dhe krimi i organizuar janë bërë sistem dhe ku korrupsioni dhe varfëria mbizotërojnë.
“Ne nuk kemi frikë. Frikë për çfarë? Se ata vjedhin dhe ne përmbytemi në shtëpitë tona, dhe më pas u dhimbet të shpallin gjendjen e fatkeqësisë natyrore. Ne shkojmë në spital dhe gjejmë që mungojnë ilaçet, ndërkohë që ata pijnë verë 33 mijë euro dhe blejnë çokollata 10 milionë euro. Fëmijët tanë ikin nga ky vend sepse nuk e përballojnë dot jetën. Kjo nuk është më çështje zgjedhjesh, por një detyrim për të larguar këtë klasë politike që ka shkatërruar vendin.”
