Kryeministri Albin Kurti ka bërë një ndryshim të dukshëm në qëndrimet e tij lidhur me zgjedhjen e presidentit të Kosovës, duke theksuar se legjitimiteti i këtij procesi duhet të bazohet në vullnetin e qytetarëve, i shprehur në zgjedhjet e fundit.
Pas refuzimeve nga opozita, Kurti ka theksuar se rezultati i zgjedhjeve duhet të marrë prioritet.
“Çka të bëj me rezultatin zgjedhor, që m’i kanë dhanë 51.1 për qind. Ata s’i kanë votat as me ia mbledhë nënshkrimet një kandidati,” deklaroi Kurti. Ai gjithashtu shtoi: “Veç një moment. Me ia dhanë atij, kur s’ia ka dhanë populli? Demokracia nënkupton vullnetin e popullit. Unë jom super gjeneroz. Duhet t’i pyesni që me këta numra bëjnë refuzime”.
