Një sulm i tmerrshëm me dron rus ka shkaktuar vdekjen e katër personave dhe plagosjen e dy të tjerëve në rajonin Kharkiv të Ukrainës.
Sulmi ndodhi ndërsa treni, i cili po udhëtonte me 155 pasagjerë nga Chop, pranë kufirit perëndimor të Ukrainës, në drejtim të Barvinkovo, u godit pranë një fshati.
Prokurorët raportuan se dy dronë goditën zonën përgjatë shinave, ndërsa një i tretë ka goditur një vagon të trenit.
Zëvendëskryeministri ukrainas, Oleksiy Kuleba, e quajti këtë sulm një “akt të drejtpërdrejtë të terrorizmit rus”.
