Kryeministri Edi Rama ka deklaruar se nesër do të japë shpjegime publike për projektin në Zvërnec, i cili është bërë objekt diskutimesh ditët e fundit.
Ai thekson se bëhet fjalë për një nismë të rëndësishme dhe se do të sqarojë të gjitha pretendimet dhe informacionet e pasakta që janë përhapur lidhur me të.
Postimi i plotë:
Nesër e kam radhën unë për të folur për një projekt të jashtëzakonshëm për Shqipërinë, për të cilin punohet prej disa vitesh tanimë dhe i cili nuk ka asnjë lidhje me disa të pavërteta të mëdha, që janë hedhur në qarkullim ditët e fundit.
Ndërkohë e përgëzoj lidershipin e Policisë së Shtetit për reagimin e shpejtë e të saktë, qoftë ndaj atij grushti muskujsh pa tru me statusin e rojeve private të sigurisë, qoftë ndaj drejtuesve vendorë të policisë së Vlorës.
Qasja e re e tolerancës zero ndaj çdo uniforme blu që cënon besimin e publikut, është e duhura.
*Për vetë projektin dhe të vërtetat e të pavërtetat rreth tij, më shumë nesër në 10.00. Live për të gjithë të interesuarit natyrisht.
