Sekretari i Përgjithshëm i NATO-s, Mark Rutte, ka theksuar angazhimin e vazhdueshëm të Aleancës për Ukrainën, duke siguruar se mbështetja për sigurinë e këtij vendi nuk do të dobësohet, pavarësisht sfidave globale.
Gjatë një fjalimi në Parlamentin ukrainas, Rutte u shpreh se angazhimi i NATO-s për Ukrainën ka qenë konstant që nga fillimi i luftës dhe do të vazhdojë të jetë i pandryshuar.
“NATO ka qenë dhe do të mbetet gjithmonë pranë Ukrainës. Kjo ka qenë e vërtetë para pushtimit rus, ishte e vërtetë më 24 shkurt 2022 dhe do të mbetet e vërtetë çdo ditë që nga ajo ditë,” tha Rutte gjatë vizitës së tij në Kiev.
