Zv/kryeministrja Belinda Balluku zhvilloi një takim me fermerët e Fierit, ku njoftoi një mbështetje të madhe financiare për sektorin e bujqësisë.
Ajo theksoi se qeveria ka miratuar një buxhet rekord prej 16.3 miliardë lekësh, që do të investohen në bujqësi, blegtori dhe peshkim.
Prej kësaj shume, 5.2 miliardë lekë do të alokohen në skemën kombëtare për bujqësinë, me synimin për të përmirësuar skemat mbështetëse dhe për të rritur efikasitetin e mbështetjes për fermerët.
“Fermat dhe fermerët janë pjesë e rëndësishme e zhvillimit ekonomik të Shqipërisë. Ky është një angazhim i qeverisë për të mbështetur ata që janë themeli i ekonomisë”, tha Balluku gjatë takimit.
