Kryetari i Kuvendit, Niko Peleshi, po zhvillon një vizitë zyrtare në Shtetet e Bashkuara të Amerikës, ku u takua me Michael Rigas, zëvendësin e Sekretarit të Shtetit, Marco Rubio.
Takimi u përqendrua në forcimin e partneritetit strategjik mes Shqipërisë dhe SHBA-së, duke theksuar rolin e Kuvendit në avancimin e reformave dhe forcimin e shtetit të së drejtës.
Gjatë bisedimeve, u diskutua edhe për thellimin e bashkëpunimit në fushën e mbrojtjes, sigurisë dhe nxitjen e investimeve amerikane në sektorët kyçë të ekonomisë shqiptare, përfshirë energjinë dhe infrastrukturën.
Po ashtu, u trajtua situata në Ballkanin Perëndimor, me fokus stabilitetin rajonal dhe zhvillimet në Kosovë.
