Një 28-vjeçar nga Tirana është arrestuar pasi ishte shpallur në kërkim për kultivim droge.
S. X., i dënuar me 4 vjet burgim në vitin 2022 për kultivimin e bimëve narkotike, u lokalizua dhe u kap nga shërbimet e Komisariatit të Policisë Krujë.
Arrestimi u realizua pas informacioneve të siguruara në rrugë operative, në kuadër të operacionit të koduar “Catch”.
Pas arrestimit, ai u dërgua në ambientet e Prokurorisë së Tiranës për veprime të mëtejshme.
