Partizani ka mposhtur 2-0 Tiranën në derbin e kryeqytetit, një ndeshje e vlefshme për “Abissnet Superiore”, e zhvilluar në “Air Albania”.
Ndeshja filloi me ritëm të lartë, me të dyja skuadrat që krijuan raste shënimi, por të kuqtë ishin ata që shënuan dy gola në pjesën e parë me Sidibe dhe Isgandarli, duke e çuar Tiranën në disavantazh.
Në pjesën e dytë, skuadra e Nuhiut u përpoq të reagonte dhe iu afrua disa herë golit, por nuk arriti të ndryshonte rezultatin.
Partizani shënon 3 pikët dhe ngjitet në vendin e pestë me 33 pikë, ndërsa Tirana, që mbetet në vendin e tetë me 21 pikë, e ka më të vështirë mbijetesën.
