Policia e Tiranës finalizoi dy operacione, të koduara “Network” dhe “Foleja 7”, duke goditur raste të ushtrimit të prostitucionit në kryeqytet.
Si rezultat, u arrestuan dy persona të huaj, një vietnameze, 33 vjeçe, dhe një kineze, 43 vjeçe, të cilat dyshohet se kishin marrë me qira apartamente në Rrugën e Durrësit dhe në rrugën “Mine Peza” për të ushtruar prostitucion.
Një person tjetër po procedohet penalisht si përfitues nga kjo veprimtari.
Gjatë operacioneve u sekuestruan para dhe tre telefona celularë, ndërsa materialet procedurale iu referuan Prokurorisë së Tiranës për hetime të mëtejshme.
