Në seancën e sotme plenare të Kuvendit, deputetja e Partisë Demokratike, Jozefina Topalli, ngriti shqetësimin për ndikimin negativ të korrupsionit në rrugën e Shqipërisë drejt integrimit në Bashkimin Europian.
Ajo e cilësoi korrupsionin si sfidën kryesore për vendin dhe një pengesë të madhe për progresin e vendit në këtë proces.
“Armiku më i madh i Shqipërisë është korrupsioni. Shqipëria do të ishte krejt tjetër në procesin e integrimit nëse në vitin 2013 Rama nuk do të refuzonte miratimin e tre ligjeve që kërkonte BE,” – u shpreh deputetja Topalli gjatë fjalës së saj në Kuvend.
