Elbasani po triumfon 3-0 ndaj Dinamo City në përfundim të pjesës së parë të ndeshjes së “Final Four”, të luajtur në stadiumin Air Albania Stadium.
Ndeshja u ndërlikua për dinamovitët pas daljes me karton të kuq të Goudiaby, çka i hapi rrugë dominimit të Elbasanit në fushë.
Skuadra nga Elbasani shënoi tre herë në 45 minutat e para, me Tsague që realizoi dopietë, ndërsa një gol tjetër u shënua nga Diallo.
Takimi pritet të marrë zhvillime interesante në pjesën e dytë, me Dinamon që kërkon të reagojë pas disavantazhit të thellë.
