Protesta e studentëve shqiptarë për mbrojtjen e të drejtës për përdorimin e gjuhës amtare ka marrë mbështetje të gjerë, përfshirë edhe nga Ambasadori i Republikës së Shqipërisë, Denion Meidani. Ambasadori ka rikonfirmuar angazhimin e tij për të drejtat e studentëve dhe përpjekjet e tyre për një shoqëri më të drejtë dhe të barabartë.
Me këtë qëndrim, ai theksoi rëndësinë e mbrojtjes së gjuha shqipe në përputhje me Kushtetutën dhe legjislacionin në fuqi, duke ftuar për një dialog konstruktiv mes palëve për zgjidhje të qëndrueshme.
“Angazhimi qytetar i studentëve dhe mënyra demokratike e artikulimit të kërkesës së tyre meritojnë vlerësim. Kjo kërkon një përgjigje institucionale të matur, të përgjegjshme dhe të orientuar drejt zgjidhjeve të qëndrueshme, përmes dialogut konstruktiv dhe respektimit të plotë të të drejtave të garantuara”, tha Ambasadori Denion Meidani.
