Një incident ka ndodhur në Kukës, ku një automjet i vogël është përfshirë nga flakët në afërsi të mbikalimit të Kolshit.
Fatmirësisht, nuk janë raportuar persona të lënduar, por dëmet materiale janë të mëdha. Ngjarja ka ndodhur në maloren e Kolshit, ndërkohë që forcat e zjarrfikësve janë dërguar menjëherë në vendngjarje dhe janë angazhuar në shuarjen e zjarrit.
Për shkak të incidentit, njëra korsi lëvizëse nga Kukësi në drejtim të Tiranës është bllokuar, duke shkaktuar pengesa në qarkullimin e automjeteve.
Grupi i hetimit ka arritur në vendngjarje dhe po punon për të zbardhur shkaqet e rënies së zjarrit.
