Gjenerali amerikan Chris McKinney nga Komanda Evropiane e SHBA-së ka zhvilluar një takim me autoritete të larta ushtarake të Shqipërisë, për të diskutuar çështje të sigurisë rajonale dhe përparimin e vendit në fushën e mbrojtjes kibernetike.
Takimi, i zhvilluar këtë javë në Tiranë, është një reflektim i angazhimit të Shqipërisë për forcimin e kapaciteteve të saj mbrojtëse dhe përmirësimin e bashkëpunimit me partnerët ndërkombëtarë.
“Gjenerali i Brigadës Chris McKinney nga Komanda Evropiane e SHBA-së u takua këtë javë në Tiranë me Ministrin e Mbrojtjes Ermal Nufi, Shefin e Mbrojtjes, Gjeneral Lejtnant Arben Kingji dhe udhëheqës të lartë të Forcave të Armatosura të Shqipërisë. Diskutimet u përqendruan në sigurinë rajonale, shpenzimet e mbrojtjes, rëndësinë e lëvizshmërisë ushtarake përmes Korridorit VIII Pan-Evropian dhe progresin mbresëlënës të Shqipërisë në aftësitë e mbrojtjes kibernetike,” – Ambasada amerikane në Tiranë.
