Kryetari i Partisë Demokratike, Sali Berisha, ka mbledhur këtë të hënë Kolegjin e Kryetarëve, ku ka diskutuar për situatën e tanishme politike në Shqipëri dhe për pasojat e qeverisjes së Edi Ramës.
“Sot udhëkryqi në të cilin e ka vendosur regjimi po bëhet gjithnjë e më i rrezikshëm, po bëhet më i rrezikshëm se kurrë më parë. Edi Rama, pas dokumentimit të implikimit të tij në një mori aferash korruptive, si në dosjen Balluku dhe të tjera, vendosi, në një akt të pashembullt, të mbyllë dyert e drejtësisë dhe të pengojë arrestimin e Lubi Ballukut.”
