Deputeti demokrat, Klevis Balliu, në senacën e sotme plenare, ka hedhur kritika ndaj qeverisë, pasi këta të fundit janë larguar nga salla e Kuvendit edhe pse po diskutohej për çështjet e rendit të ditës.
“Mi kanë lënë kameramanët e mi të preferuar, të gjithë kanë ikur. Këta kanë alergji nga hallet e qytetarëve. Problemi që dua të ngrejë është një rrugë në Zall Bastër, një rrugë 6 km e premtuar prej 10 vitesh dhe nuk e keni bërë. Unë ju kuptoj se ju nuk keni më kohë të merreni me problemet dhe shqetësimet e qytetarëve por me kullat dhe inceneratorët. Ju do donit të merreni me hallet e Lubisë. Ju nuk përfaqësoni as hallet e qytetarëve. Ju kërkoj si shoqëri të merremi me këta dhe vetëm me protestë, mënyra më e mirë e botës demokratike. Protesta është institucioni i vetëm i papërlyer dhe i kapur”, u shpreh Balliu.
