Deputeti i Partisë Demokratike, Belind Këlliçi, ka kritikuar qeverisjen e kryeministrit Edi Rama, duke akuzuar se politika e tij e turizmit favorizon ndërtimet dhe dëmton bujqësinë.
“Vetëm në Shqipëri ndodh që turistët shtohen dhe fermerët zhduken, bregdeti betonohet, toka bujqësore braktiset. Kjo është strategjia e Ramës: të trajtojë turizmin si real estate dhe të varrosë bujqësinë duke falur tokat e fermerëve për biznesin e anëtarëve të organizatës që drejton, që herë shfaqen si 5D dhe herë si 5B,” tha Këlliçi.
