Ambasadori i SHBA në NATO, Matthew Whitaker, ka ndarë përmes një postimi në “X” detaje nga vizita e tij në Shqipëri, ku shoqëroi ministrin e Mbrojtjes, Ermal Nufi, në një tur informues mbi Bazën Ajrore të Kuçovës.
Ai theksoi se Shqipëria ka bërë përparime të dukshme në fushën e mbrojtjes, duke u angazhuar gjithnjë e më shumë për sigurinë kibernetike dhe duke kontribuar në operacione ndërkombëtare si ajo në Gaza.
Në takimin me Kryeministrin Edi Rama, Whitaker diskutoi gjithashtu për objektivin e Presidentit amerikan, Donald Trump, për të rritur shpenzimet mbrojtëse të Shqipërisë në 5% të PBB-së.
“Gjatë vizitës në Shqipëri, pata mundësinë të vizitoja Bazën Ajrore të Kuçovës, ku ministri i Mbrojtjes, Ermal Nufi, më shpjegoi zhvillimet e fundit. Shqipëria është gjithnjë e më e angazhuar në mbrojtjen kibernetike dhe operacione ndërkombëtare. Takimi me Kryeministrin Rama u fokusua në arritjen e objektivit të Presidentit Trump për shpenzime mbrojtëse prej 5% të PBB-së”, shkroi ambasadori Whitaker.
