Kryetari i PD-së, Sali Berisha kërkoi sot që aleati i tij, Ilir Meta të nxirret nga kafazi i xhamit gjatë procesit gjyqësor kundër tij. Tha se po keqtrajtohet me urdhër të Edi Ramës.
“Trajtimi çnjerëzor i kreut të PL Ilir Meta, akt i hakmarrjes çnjerëzore të Edi Ramës. U paraqit në sallë i mbyllur në kafaz xhami sikur të ishte një terrorist I rrezikshëm.
Ky akt çnjerëzor brutal i urdhëruar nga Rama ktheu para shqiptarëve pamjet nga gjyqet e komunizmit. Akt i verbër hakmarrës nuk është një rast i izoluar. Kërkojmë lirimin e menjëhershëm të tij”, tha ai.
Më tej, Sali Berisha, i pyetur për debatet Rama-Spiropali brenda PS-së, tha se partia Socialiste është ‘Lubizuar’, referuar ndikimit të Belinda Ballukut.
“Ajo parti sot është më shumë se kurrë parti krimi, ajo parti sot është parti mburojë e krimeve monstruoze ndaj shqiptareve dhe plaçkitjeve që Rama, organizata e tij kriminale i bëjnë fondeve dhe pasurisë publike”, tha Berisha.
