Kreu i Grupit Parlamentar, Gazment Bardhi, sot gjatë senacës në Kuvend ka folur për edhe për kërkesat e protestuesve, duke kërkuar që Kryeministri Edi Rama duhet të vijë në Parlament dhe të jap llogari pse qytetarët janë në protestë dhe kërkojnë dorëheqjen e tij.
Ndërkohë, qytetarë të shumtë janë mbledhur para Kuvendit, ndërsa mbajnë pankarta në duar me mesazhe kundër kryeministrit Edi Rama dhe qeverisë së tij.
Fjala e Bardhit
Edi Rama nuk guxon për të dhënë llogari për ligjin për investimet strategjike, po atë që u hapi rrugën trafikantëve të drogës. Ky është një refuzim për parlamentin, një refuzim ndaj qytetarëve shqiptarë. Ju sot nuk dështuat vetëm në përmbushjen e rolit tuaj. Sot ju po mbroni kryeministrin nga llogaridhënia. Detyra juaj është të mbroni dinjitetin e Kuvendit për t’i kërkuar llogari qeverisë. Ju sot zgjodhët të mbroni kryeministrin dhe jo parlamentarizmin. Rama është peng i krimeve shtetërore dhe besoj se e ka menduar realisht dorëheqjen, por s’mund ta japë sepse është peng i sistemit që ka ndërtuar vetë. Edi Ramën nuk e lejojnë të largohet sepse ka ende borxhe për të shlyer që e bën duke shitur copa të Shqipërisë.
