Donald Trump pretendoi se Mbreti Charles “ndoshta do të na kishte ndihmuar me Iranin” nëse do të kishte qenë përgjegjës për përgjigjen britanike ndaj luftës.
Komentet e presidentit amerikan të cilat u bënë gjatë udhëtimit të Charles në Shtetet e Bashkuara mund të shkaktojnë siklet për monarkun britanik, i cili si kreu i shtetit duhet të jetë mbi politikat partiake, dhe ato sugjerojnë se vizita nuk i ka shëruar përçarjet me kryeministrin britanik Keir Starmer pas mosmarrëveshjeve të thella mbi luftën e Iranit.
I pyetur nëse udhëtimi njëditor kishte riparuar tensionet me Starmer, Trump u tha gazetarëve të mërkurën se mbreti është “fantastik” dhe një “mik i shkëlqyer i imi”.
Por ai tha për përgjigjen ndaj luftës: “Mendoj se nëse ai do ta bënte këtë, nëse kjo do të varej prej tij, ai ndoshta do të na kishte ndihmuar me Iranin.”
“Ai do të kishte ndjekur sugjerimet që bëmë në lidhje me Ukrainën, sepse kemi disa mosmarrëveshje për Ukrainën, të cilat nuk kanë të bëjnë aq shumë me NATO-n, sa me vendet evropiane”.
Trump shtoi: “Ai është një person i jashtëzakonshëm. Dhe po, kjo ndihmon nga pikëpamja se, e dini, kur ju pëlqen kaq shumë mbreti i një vendi, kjo ndoshta ndihmon marrëdhënien tuaj me kryeministrin”.
“Por e dini, në atë rast, kryeministrit që i thashë se doni të dërgoni pak ndihmë? Ai tha jo, do ta dërgojmë pasi të fitoni luftën. Unë thashë se kjo nuk është mirë, kjo nuk është mirë.”
Trump ka përdorur një gamë të gjerë ofendimesh kundër Starmer lidhur me konfliktin në Lindjen e Mesme, duke thënë se Starmer “nuk është Winston Churchill” dhe marrëdhënia e veçantë “nuk është ajo që ishte dikur”.
Kryeministri i ka rezistuar vazhdimisht presionit për t’u përfshirë në konfliktin me Iranin, duke paralajmëruar se nuk është në interesin kombëtar të Mbretërisë së Bashkuar ta bëjë këtë.
Në fjalimin e tij para Kongresit të martën në mbrëmje , Mbreti Çarls mbështeti një aleancë të vazhdueshme Britani-SHBA për të “mbrojtur vlerat tona të përbashkëta” dhe për të “injoruar thirrjet e qarta për t’u bërë gjithnjë e më të mbyllur në vetvete”.
