Një 38-vjeçar është arrestuar në Tiranë pasi u kap duke zhvilluar lojëra fati të paligjshme në lokal.
Gjatë kontrollit në një lokal në rrugën “Kajo Karafili”, policia gjeti 4 makina për lojëra fati, një tavolinë pokeri dhe sende të tjera që dyshohet se përdoren për këtë aktivitet të paligjshëm.
Administratori i lokalit, Fabion Karkanaqe, u arrestua dhe materialet e rastit iu referuan Prokurorisë për veprime të mëtejshme.
Po ashtu, kontrolli në lokale të tjera do të vazhdojë për të goditur aktivitetet e paligjshme të lojërave të fatit.
