Një aksident i rëndë ka ndodhur sot në Durrës, ku kanë humbur jetën dy të mitur.
Ngjarja ka ndodhur në zonën e Kënetës, lagja 15, ku një makinë tip “ML 350” ka përplasur të miturit në trotuar dhe më pas drejtuesi ka tentuar të largohet por është kapur nga policia.
Sipas burimeve bëhet me dije se të miturit kanë qenë duke luajtur në momentin kur ka ndodhur ngjarja.
Autoritetet kanë nisur hetimet për të zbardhur rrethanat e ngjarjes dhe për të siguruar informacionin e plotë mbi shkakun e aksidentit.
