Qytetarët janë mbledhur sërish në Tiranë në ditën e 36-të të protestave kundër qeverisë Rama, duke nisur grumbullimin në sheshin “Skënderbej” rreth orës 19:00, përpara marshimit drejt godinës së Kryeministrisë.
Paralelisht, gjatë paradites është mbajtur edhe një tubim pranë Gjykatës Penale të Tiranës, ku është kërkuar lirimi i 21 protestuesve të arrestuar më 2 korrik gjatë protestës pranë Kuvendit.
Organizatorët i kanë bërë thirrje qytetarëve nga e gjithë Shqipëria dhe diaspora që t’i bashkohen marshimit, ndërsa kanë deklaruar se protesta do të vijojë deri në përmbushjen e kërkesave të tyre, ku kryesorja mbetet dorëheqja e kryeministrit Edi Rama.
