Në një seancë të Kuvendit, Ulsi Manja, kërkoi fjalën për replikë pas fjalës së kreut të PD-së, Sali Berisha, duke pretenduar se emri i tij ishte përmendur.
Kreu i Kuvendit, Niko Peleshi, e refuzoi kërkesën e Manjës, duke theksuar se diskutimet po zhvillohen sipas minutazhit të përcaktuar dhe nuk mund të ndërpriten. “Nuk mundet, jemi në diskutime me minutazh të caktuar në orën 16:00 duhet të kenë përfunduar të gjithë diskutimet! Unë nuk jam Niko,” tha Peleshi.
Refuzimi i Peleshit nxiti reagime nga opozita, e cila shpërtheu në duartrokitje dhe ovacione. Ai vijoi duke i dhënë fjalën kreut të grupit parlamentar të PS-së, Taulant Balla, duke theksuar se rregullorja parashikon respektimin e minutazhit dhe se fjalën Manja do ta marrë kur t’i vijë radha.
