Gjykata e Lartë ka rrëzuar rekursin e paraqitur nga Mario Çela dhe Sergej Hasanpapaj, duke lënë në fuqi masën e sigurisë “arrest me burg” për të dy të dyshuarit.
Vendimi u mor në dhomë këshillimi nga trupi gjykues i përbërë nga gjyqtarët Ilir Panda, Albana Boksi dhe Genti Shala.
Të dy personat ishin ekstraduar më herët nga Belgjika, pas kërkesës së Prokurorisë së Posaçme (SPAK).
Mario Çela akuzohet për disa vepra të rënda penale, përfshirë “vrasje me paramendim”, “pjesëmarrje në organizatë kriminale”, “mbajtje pa leje dhe prodhim armësh dhe municionesh”, si dhe “korrupsion aktiv në sektorin privat”.
