“Forcat tona kanë kaluar lumin Litani dhe po avancojnë drejt pozicioneve të kontrollit,” deklaroi Kryeministri i Izraelit, Benjamin Netanyahu, gjatë një vizite pranë kufirit me Libanin.
Ai njoftoi se trupat izraelite po veprojnë në disa fronte njëkohësisht, duke synuar dobësimin e kapaciteteve të Hezbollah në jug të Libanit.
Sipas raportimeve, operacionet përfshijnë goditje ajrore, bombardime me artileri dhe përdorim të dronëve, me fokus kryesor pranë qytetit Nabatieh dhe zonave strategjike përreth.
Për shkak të situatës së tensionuar, autoritetet izraelite kanë zgjeruar urdhrat e evakuimit për civilët, duke përfshirë fillimisht zonat në jug të lumit Litani dhe më pas edhe zonat pranë lumit Zahrani, të cilat janë shpallur si territore lufte.
