Kryetari i Partisë Demokratike, Sali Berisha, ka komentuar zhvillimet pas samitit të NATO-s në Ankara dhe deklaratat për organizimin e takimit të ardhshëm të Aleancës në Shqipëri.
Ai ka shprehur kritika ndaj kryeministrit Edi Rama, duke u ndalur edhe te paraqitja e tij gjatë aktiviteteve zyrtare në Turqi.
“Unë nuk dëgjova një fjalë mirupafshim në Shqipëri, në Tiranë. E vërteta është që për vitin 2027 kjo çështje është e njohur për Tiranën. Por ajo që pamë në Ankara ishte diçka tjetër. E patë vetë, në darkën presidenciale ai mori kartonin e kuq. Me veshjen që kishte zgjedhur, mendoi se do të tërhiqte vëmendje, por sipas meje ndodhi e kundërta. U detyrua të ndryshojë paraqitjen dhe të kalojë te një veshje më e përshtatshme për një aktivitet të tillë”, deklaroi Berisha.
