Lidhja Demokratike e Kosovës ka çelur sonte fushatën zgjedhore për zgjedhjet e jashtëzakonshme të 7 qershorit. Në fjalën e tij kandidati i kësaj force politike për kryeministër, Lumir Abdixhiku u shpreh se Lidhja Demokratike e Kosovës është ngritur në këmbë dhe nuk ka gjë që i rrëzon.
Ish-Presidentja Vjosa Osmani vuri theksin te trashëgimia politike e Ibrahim Rugovës, uniteti dhe orientimi euroatlantik i Kosovës. “Rugova nuk ndërtoi kult force. Ai ndërtoi kulturë shteti”, deklaroi Osmani gjatë fjalimit.
Ajo theksoi rëndësinë e bashkëpunimit me aleatët perëndimorë dhe ruajtjes së kursit euroatlantik të Kosovës, ndërsa bëri thirrje për më shumë unitet në skenën politike.
“Nuk do të jemi eksperiment i izolimit”, u shpreh Osmani, duke kritikuar indirekt politikat që, sipas saj, krijojnë polarizim. “Më 7 qershor nuk votohet vetëm për pushtet. Votohet për drejtimin e Republikës”, deklaroi Osmani.
