Sipas raportimeve të Axios dhe CBS News, administrata e Donald Trump po shqyrton nisjen e një operacioni të ri ushtarak kundër Iran, megjithëse ende nuk është marrë një vendim përfundimtar.
Burime pranë Shtëpisë së Bardhë bëjnë të ditur se disa zyrtarë të lartë amerikanë kanë anuluar planet e fundjavës për shkak të zhvillimeve të fundit.
Trump ka vendosur të qëndrojë në Washington gjatë kësaj periudhe tensioni, ndërsa konflikti me Iranin vazhdon prej tre muajsh. Sipas Reuters, SHBA po përballet me vështirësi për ta kthyer presionin ushtarak ndaj Iranit në një fitore të qartë politike dhe strategjike.
