Autoritetet franceze kanë pezulluar përkohësisht kontrollet shtesë në kufirin e Doverit, pas radhëve të gjata dhe vonesave të krijuara për udhëtarët që lëvizin drejt Francës nga Mbretëria e Bashkuar.
Vendimi është marrë për të shmangur bllokimet dhe për të ulur kohën e pritjes së turistëve, ndërsa raportimet flasin për vështirësi të lidhura me zbatimin e sistemit të ri të kontrollit kufitar të Bashkimit Evropian.
Sistemi i ri i Hyrjes/Daljes (EES) do t’u kërkojë udhëtarëve britanikë që të regjistrojnë të dhëna biometrike, përfshirë fotografi dhe gjurmë gishtash, për hyrjen në territorin francez.
Sipas mediave britanike, në portin e Doverit autoritetet franceze nuk e kishin aktivizuar ende plotësisht sistemin biometrik, çka ndikoi në krijimin e vonesave dhe problemeve në qarkullim.
