Një aksident rrugor është regjistruar mbrëmjen e kaluar në qytetin e Gramshit, ku një automjet ka dalë nga rruga dhe është përplasur me një shtyllë anësore.
Sipas informacioneve paraprake, dyshohet se mjeti po qarkullonte me shpejtësi mbi normat e lejuara, çka ka bërë që drejtuesja të humbasë kontrollin e automjetit.
Si pasojë, makina ka devijuar nga rruga dhe është përplasur me forcë me shtyllën, duke i shkaktuar drejtueses dëmtime të lehta.
Në vendngjarje kanë mbërritur menjëherë shërbimet e Policisë dhe grupi hetimor, të cilët po punojnë për të zbardhur rrethanat dhe shkaqet e plota të aksidentit.
