Dalin detajet e reja lidhur me aksidentin tragjik në Lushnje, ku mbeti i vdekur 43 vjeçari Ernis Xhumari.
Dyshohet se 43 vjeçari para se të aksidentohej ka shkuar para Komisariatit të Lushnjës duke xhiruar gomat dhe duke përdorur fjalor ofendues ndaj efektivëve të policisë pasi këta të fundit i janë vënë në ndjekje për ta kapur.
Si shkak i shpejtësisë së lartë, ai nuk ka mundur të shmangë rrethrrotullimin, duke u përplasur në të, ku fatkeqësisht ka ndërruar jetën në vendngjarje.
Sipas burimve bëhet me dije se rreth dy muaj më parë, i është hequr leja e drejtimit pasi është kapur në gjendje të dehur dhe se 43-vjeçari Ernis Xhumari është vëllai i zv.ministres së Mjedisit, Elda Xhumari.
