Partia Demokratike zhvilloi sot Kuvendin Kombëtar. Kuvendi nisi me një mesazh nga “Skënderbeu”, një avatar i krijuar me Inteligjencë Artificiale. Në mesazhin e tij avatari i Skënderbeut, duke e quajtur besëlidhje kuvendin e demokratëve, tha se Rama po i kushton shumë Shqipërisë.
“Jam një avatar i krijuar nga departamenti AI i Partisë Demokratike. Ndryshe nga Avatari i Ramës, Diella, që ka kushtuar 4 milionë euro, unë kam kushtuar vetëm 100 euro. Edi Rama po i kushton shumë Shqipërisë.
Që nga pushtimi otoman askush nuk i ka kushtuar më shumë këtij vendi të bekuar. Në fund më lejoni që t’i uroj punë të mbarë Kuvendit Kombëtar të Partisë Demokratike. Le të jetë kjo beslidhje jo vetëm e ripërtëritjes, por edhe e antivjedhjes”.
