Këtë të shtunë banorët e Zvërnecit së bashku me aktivistët e shoqërisë civile dhe një grup mbështetësish të tjerë kanë protestuar kundër ndërtimit të një megaprojekti luksoz e rezidencial i projektuar nga kompania “Zvërnec South Adriatic Development” në bregdetin Pishë-Porë të Vlorës. Nga kjo protestë ka patur edhe përplasje mes banorëve dhe forcave të policisë, të cilët disa nga protestuesit janë shpçrehur se janë marrë zvarrë dhe janë rrahur barbarisht nga punonjësit e shoqërisë private të sigurisë.
Lidhur me këtë çështje me anë të një postimi në rrejtin facebook ka ardhur një reagim nga drejtoria vendore e policisë së Vlorës.
Reagimi i policisë së Vlorës
Policia e Vlorës, pas njoftimit të marrë nga banorët për zhvillimin e këtij tubimi, ka marrë masat e nevojshme për garantimin e rendit dhe sigurisë publike, si dhe për mbrojtjen e pronës private.
Në këto rrethana, njëri prej protestuesve, shtetasi E. S., është futur me forcë brenda rrethimit të kantierit dhe është shoqëruar nga punonjësit e shoqërisë private të sigurisë në ambientin e përcaktuar për rojet.
Menjëherë kanë ndërhyrë shërbimet e Policisë, të cilat kanë nxjerrë shtetasin E. S. nga ambienti ku mbahej nga punonjësit e shoqërisë private të sigurisë. Më pas, ai është paraqitur në ambientet e DVP Vlorë, ku ka bërë kallëzim ndaj dy punonjësve të kësaj shoqërie.
