Mesditën e sotme, një automjet tip “Benz” është përfshirë nga flakët në aksin rrugor Korçë–Ersekë, në afërsi të Qafës së Qarrit. Fatmirësisht, drejtuesi i mjetit ka arritur të dalë në kohë dhe nuk ka pësuar lëndime.
Forcat zjarrfikëse mbërritën shpejt në vendngjarje dhe neutralizuan flakët, ndërsa shërbimet e policisë kanë nisur hetimet për të përcaktuar shkakun e incidentit.
Paraprakisht dyshohet se zjarri mund të ketë ndodhur për shkak të një defekti teknik, por konstatimet e sakta do të përcaktohen pas ekspertizës së automjetit.
Ngjarja ka shkaktuar shqetësim për drejtuesit e tjerë të automjeteve, ndërsa autoritetet apelojnë për kujdes në qarkullim.
