Presidenti i Këshillit Evropian, Antonio Costa, ka përsëritur përkushtimin e Bashkimit Evropian ndaj vendeve të Ballkanit Perëndimor, duke theksuar se perspektiva e zgjerimit mbetet reale dhe e qëndrueshme.
Ai njoftoi nisjen e vizitës së tij në rajon, ku do të takohet me liderët e gjashtë vendeve partnere për të diskutuar reformat dhe procesin e integrimit evropian.
“Këtë javë do të vizitoj gjashtë partnerët tanë në Ballkanin Perëndimor. Vizita ime në rajon dërgon një sinjal të qartë: angazhimi ynë për Ballkanin Perëndimor është real; dhe po ashtu është reale edhe mundësia e zgjerimit”, tha Costa.
