Kreu i PDK-së dhe kandidati potencial për Kryeministër për zgjedhjet e 7 qershorit, Bedri Hmaza me anë të një postimi në faqen e tij facebook ka njoftuar për takimin që ka zhvilluar këtë të diel me ministrin për Europën dhe Punët e Jashtme të Shqipërisë, Ferit Hoxha, në Prishtinë, duke u shprehur se Hoxha gjithmonë ka qenë edhe “diplomat i Kosovës”, në çdo detyrë që ka shërbyer dhe në çdo forum ndërkombëtar ku ka folur.
Në fjalën e tij Hamza thekson mirënjohjen ndaj Shqipërisë për përkrahjen e saj për Kosovën.
Postimi i Hamzës
Kënaqësi të takoja sot Ministrin për Evropën dhe Punët e Jashtme të Shqipërisë, Ferit Hoxha.
Diskutuam për zhvillimet politike në Kosovë, zgjedhjet e ardhshme dhe rëndësinë që vendi të ketë institucione stabile, funksionale dhe me fokus te interesat e qytetarëve.
Ministri Hoxha gjithmonë ka qenë edhe “diplomat i Kosovës”, në çdo detyrë që ka shërbyer dhe në çdo forum ndërkombëtar ku ka folur. Përherë mirënjohës Shqipërisë për përkrahjen e saj për Kosovën.
