Bordi i Transparencës ka ndryshuar çmimet e karburanteve. Nafta rritet me 6 lekë për litër dhe benzina me 3 lekë për litër.
“Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 191 lekë/litri, ndërsa i shitjes me shumicë jo më shumë se 179 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 176 lekë/litri, ndërsa i shitjes me shumicë jo më shumë se 164 lekë/litër”, thuhet në njoftimin zyrtar.
Çmimet e caktuara nga Bordi do të hynë në fuqi sot datë 2 qershor, ora 15:00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
