Drejtori i përgjithshëm i Policisë së Shtetit Skënder Hita ka bërë me dije se ka nisur një hetim për procedurat standarde për punën që është kryer për kapjen e Violand Braçellari. Për mediat, Hita tha se Policia e Korçës nuk ka kërkuar ndihmë për forcat RENEA dhe se ai vetë nuk ka qenë në dijeni të operacionit.
“Gjatë viteve të fundit ishin organizuar disa operacione për kapjen e Braçellarit por nuk ishin realizuar. Ka nisur hetim për procedurat standarte për punën që është kryer për kapjen e tij. Policia e Korçës nuk ka kërkuar ndihmë për forcat RENEA.
Punonjësit e policisë janë të gjithë të trajnuar, edhe në këtë rast kanë qenë shërbimet më të specializuara siç janë “Shqiponja”. Në gjykimin e drejtuesve të Drejtorisë Korçë, këto kanë qenë strukturat.
Kanë qenë 40 forca policie. Të gjithë kanë qenë me jelek antiplumb, por arma kallashnikov që ka përdorur autori e ka çarë edhe antiplumbin. Patjetër që duhet të bëhet më e mira në këtë drejtim” tha ai.
Polici i ‘Shqiponjës’ mbërrin në Trauma/ Drejtoresha: Po bëhet maksimumi!
