Në seancën e zhvilluar në GJKKO, Monika Kryemadhi ka ngritur pretendime lidhur me administrimin e provave në dosjen hetimore ndaj saj dhe Ilir Metës, duke vënë në dyshim aksesin dhe saktësinë e materialeve të sekuestruara nga hetimi.
“Nuk na hapet USB-ja me provat e këqyrjes së celularit. Është e vërtetë që kam marrë, e kam USB-në, e kam hapur dhe kopjuar. Problemi është se fjalëkalimi është i gabuar. Kemi marrë laptopin dhe USB-në që t’ua tregojmë. Për 20 përgjime nuk ka asgjë në dosje. Janë mbi 20 vendime përgjimi dhe nuk kemi as vendimet, as produktin e tyre. Janë të rëndësishme, sepse janë marrë pjesë të shkëputura dhe të nxjerra nga konteksti. Shumat e provave janë thashetheme dhe dosja nuk mund të bazohet në to, por në prova konkrete”, u shpreh Kryemadhi.
