Presidenti amerikan Donald Trump ka prezantuar një plan të ri investimesh për industrinë e qymyrit në Shtetet e Bashkuara, duke synuar forcimin e minierave ekzistuese, ndërtimin e kapaciteteve të reja energjetike dhe rritjen e eksportit të këtij burimi energjie.
Nisma, me vlerë 700 milionë dollarë, është shoqëruar edhe me debat të fortë politik dhe reagime nga kundërshtarët e saj.
“Si rezultat i investimit prej 700 milionë dollarësh që po njoftoj sot, ne do të mbrojmë 14 termocentrale me qymyr dhe 42 miniera qymyrguri, dhe do të ndërtojmë dy termocentrale të reja me qymyr si dhe një terminal të madh eksporti. Ne po eksportojmë qymyr, që është një biznes vërtet i madh, dhe kjo është një energji reale”, u shpreh Donald Trump.
