Udhëheqësi i Koresë së Veriut, Kim Jong Un, ka deklaruar se marrëdhëniet me Kinën do të vazhdojnë të jenë një nga prioritetet kryesore të politikës së jashtme të vendit të tij, pas vizitës së presidentit kinez, Xi Jinping, në Phenian.
Sipas agjencisë shtetërore KCNA, takimi ndërmjet dy liderëve u fokusua tek thellimi i bashkëpunimit dypalësh dhe forcimi i miqësisë tradicionale mes dy vendeve, në një periudhë të pasigurisë dhe tensioneve ndërkombëtare.
“Vizita tregon rëndësinë më të lartë që i kushtohet marrëdhënieve dypalëshe dhe është një kujtesë e fuqishme e miqësisë mes dy vendeve, pavarësisht trazirave në çështjet ndërkombëtare.”
Gjatë takimit, lideri koreano-verior riafirmoi gjithashtu mbështetjen për parimin e “Një Kinë” dhe për politikat e ndjekura nga Partia Komuniste Kineze. Marrëdhëniet mes Phenianit dhe Pekinit konsiderohen ndër më të rëndësishmet për Korenë e Veriut, me Kinën që mbetet partneri kryesor ekonomik dhe diplomatik i vendit.
