Presidenti i vendit Bajram Begaj, me anë të një postimi në faqen e tij zyrtare facebook ka njoftuar sot për pjesëmarrjen e tij në në Samitin e Procesit të Bashkëpunimit të Evropës Juglindore (SEECP) në Sofje.
Postimi i Begajt
Në Samitin e SEECP-së në Sofje patëm një diskutim të frytshëm dhe dakordësi për forcim të stabilitetit, të sigurisë dhe integrimit evropian përmes bashkëpunimit më të fortë rajonal, pavarësisht diversitetit mes nesh.
Shqipëria mbetet plotësisht e përkushtuar ndaj kësaj rruge. Ne po avancojmë agjendën tonë të reformave dhe po ecim përpara në procesin e anëtarësimit në BE, me objektivin për ta përmbyllur këtë proces brenda kësaj dekade.
Ajo që çon përpara një vend, kontribuon në stabilitetin dhe zhvillimin e të gjithëve.
Faleminderit Presidencës së Sofjes për organizimin, mikpritjen dhe punën e shkëlqyer në këtë 30-vjetor të kësaj nisme!
Suksese Presidencës së Bukureshtit të SEECP-së!
