Në Tiranë ka vijuar dita e 16-të e protestës jo-partiake, ku qytetarët janë mbledhur në shesh dhe më pas kanë marshuar drejt bulevardit “Dëshmorët e Kombit”, duke u stacionuar para Kryeministrisë.
Protesta është shoqëruar me thirrje dhe fjalime të mbajtura nga pjesëmarrësit, ndërsa nismëtarët kanë bërë me dije edhe mënyrën e organizimit të marshimit në orët në vijim.
Njoftimi i nismëtarëve:
Marshimi nga sot do të jetë brenda unazës.
Marshimi nuk do të ndahet në grupe.
Marshimi nuk duhet të marrë drejtime spontane.
Orari i fillimit të marshimit është 20:30.
Marshimi lë gjithmonë një korsi bosh për emergjenca.
