Kampionët e botës do të zbresin në fushë për ndeshjen e tyre të parë në Kupën e Botës 2026, ku Argjentina do të përballet me Algjerinë në nisje të rrugëtimit për mbrojtjen e trofeut.
Amerikano-jugorët hyjnë në këtë sfidë si favoritë, ndërsa synojnë ta nisin turneun me fitore.
Vëmendja kryesore do të jetë te Lionel Messi, i cili pritet të jetë titullar në sfidën e parë të Botërorit.
Për kapitenin argjentinas, kjo do të shënojë paraqitjen e 200-të me fanellën e kombëtares, një tjetër moment i rëndësishëm në karrierën e tij të jashtëzakonshme.
Me mbështetjen e madhe të tifozëve dhe me objektivin për të mbetur në fronin e futbollit botëror, Argjentina synon të hedhë një hap të sigurt drejt fazës së ardhshme të turneut.
